Parla mi, conta mi
de que soscas grand-paire,
Conta mi, parla mi
de ton país.
E lo grand-paire
canturleja son conte.
L’enfant dins sos braces
s’es tot acroconit.

Per trobar mon país,
cèrques pas dins las cartas
Lo camin per i anar
es pas marcat.
E per frontièra,
i a pas que la musica
D’una lenga vièlha
que se vòl pas calhar.

Mon vilatge es aquí,
a la cima del causse
Lo solelh de julhet
calfa l’adrech.
Per la devesa,
i a lo tropèl que paissa.
A l’ombra del fraisse
lo pastre es assietat.

Mon ostal es aquí,
bastit de gròssas pèiras.
Un clapàs que ten cald
val mai qu’un nis.
Lo fuòc de lenha
dins lo canton esclaira
Enfant e grand-paire
que se son endormits.