Ieu me’n vau a la fièra, la fièra de Lonzac
Non i vau pas per vendre e ni mai per crompar.

Nos anirem leugièr leugièr, nos anirem leugièrament.

Non i vau pas per vendre e ni mai per crompar.
Vau véser l’amic Pèire mon amic de longtemps.
Nos anirem …

Vau véser l’amic Pèire mon amic de longtemps.
Aviá pescat de ranas ne vendre voliá ben.

Aviá pescat de ranas ne vendre voliá ben.
« Adieu mon amic Pèire cossí va lo business ?

« Adieu mon amic Pèire cossí va lo business ?
-Aquò marcha pas gaire que i a pas que d’inglés. »

-Aquò marcha pas gaire que i a pas que d’inglés. »
Mentre que l’escotavi, lo rire que me pren.

Mentre que l’escotavi, lo rire que me pren.
« Siás solet a pas faire business amb l’inglés !

« Siás solet a pas faire business amb l’inglés !
-Arrèsta-te de rire fariás parlar la gent.

-Arrèsta-te de rire fariás parlar la gent.
Òu ! Que parlen que diguen totjorn nos aimarem.