La Marion se’n va al molin
a caval sus son ase gris.
Lo molinièr ricana
Pinca panca pom
Lo molinièr ricana
Polida Marion.

Darrièr l’molin i a un pomièr
florís al mès de febrièr.
I estacaràs ton ase
Pinca panca pom …

Mentre que lo molin moliá,
que la farina se fasiá,
molinièr la furava
Pinca panca pom …

"Molinièr daissa-me anar
qu’entendi l’ase recanar."
Lo lop escanèt l’ase
Pinca panca pom …

Darrièr’l cabeç i a tres escuts,
te’n balhi dos ne gardi un.
Te traparàs un ase"
Pinca panca pom …

Son paire que la vei venir
de cridar non se pòt tenir.
"Me damne! Dieu me damne! "
Pinca panca pom …

L’animal aviá los pès blancs,
los de darrièr, los de davant,
e la bufeta negra
Pinca panca pom …
Es arribat un temps novèl
tot animal càmbia de pèl.
Mefisa-te mon paire
Pinca panca pom …