La Perneta se lèva
e tralalà laderi delà la la
La Perneta se lèva
tres oras davant jorn.

Davala a la cosina
faire de milhassons.

Cada torn que ne vira
ne sospira d'amor.

Sa maire la ven véser
« Pernata qu'avètz vos?

Avètz lo mal de tèsta
o ben lo mal d'amor ? »

« N'ai pas lo mal de tèsta
benlèu lo mal d'amor. »

« Ploretz pas mai Perneta
que vos maridarem.

Vos donarem un prince
o lo filh d'un baron. »

« Non vòli pas d'un prince
ni d'un filh d'un baron.

Vòli mon amic Pèire
que cropís en prison. »

«Non l'auràs pas ton Pèire
deman lo penjarem. »

« Se fas aquò ma maire
amb el m'enterraretz.

Al mitan de la tèrra
plantaretz una crotz.

Botaretz una ròsa
e mai de quauques flors.

Los pelegrins que passan
se metràn a genolh.

Diràn que Dieu benaure
los paures amorós. »